E-i-n-n-o-C

Lunch time. Masaya kaming nagkakabiruan habang nilalantakan ang mga pagkaing nasa aming harapan. Maya maya ay tumunog ang telepono ng aming visor.

Si kuya Bong ang nasa linya. Kinausap si Ate Wil. Parang napakaseryoso ng pinag-uusapan sa linya. Hindi maganda ang expression ng kanyang mukha.

Pagkababa ni ate Wilma ng telepono, sinabihan nya kaming wag mabibigla. At binitiwan nya ang balitang may nagtext raw kay kuya BOng (asawa ni ate Lau) na hawak nila ang kanyang asawa at kinakailangan syang magdeposito sa account ni ate Lau ng 40,000.

Tinawagan ang celfon ni ate Lau,walang sagot. Hinambing ang account na binigay, kay ate Lau nga. Maya-maya ay may nag-text kay Claudine ( taga-ibang department) galing sa CP ni ate LAu na hawak nga raw sya ng limang lalaki.

Ang dami tuloy naming tanong. Ang dami naming theories.

Pano sya nakapagtext kung hawak sya ng limang lalaki? Sya nga ba ang talagang nagtetext? Asan sya?Hawak ba talaga sya ng masasamang loob? o nanakaw lang ang kanyang bag at nakuha ang ilang impormasyon? Pero bakit di pa sya tumatawag,knowing ate Lau as super hysterical at simpleng bagay lang ay ipapamalita na sa buong opisina.

Naparalisado ang trabaho sa opis. Lahat natetense. Di mo aakalaing ang isang eksenang sa tv lang napapanood at nababasa sa dyaryo ay maaari palang mangyari sa malapit mong kakilala at kadepartamento habang ginagampanan ang kanyang trabaho (field work).

Marami pang sumunod na text.

Nakapiring raw si ate lau at dinala sya sa isang iskwater sa dulo ng Quezon City.

Saang dulo? Tanong na naman namin. Sa Payatas dahil maraming iskwater doon? O sa Maligaya? O sa Manggahan?

Maya-maya sa tulong ng teknolohiya ay natrace kung asaan ang location ng cp. Nasa isang building sa may Baclaran.

Nagpasya silang magtungo roon kasama ang  mga awtoridad.

Nasaan na nga ba si ate Lau? Ano ang totoong nangyari sa kanya? Sino ang mga walang pusong dumukot at nagpaparansom sa kanya?

 Sana ok sya. Sanang walang masamang nangyari sa kanya o mangyayari. Sana ma-redeem sya.please God guide the people searching for her at sana bukas pagsikat ng araw ay may magandang balita kaming matatanggap na safe na sya at nakauwi sa kanyang pamilya.